Бугун Тошкентнинг “Локомотив” жамоаси Олий Лига 3-туридаги қолдирилган ўйинини ўтказади. Жамоага “Металлург” рақиблик қилади.
Бугунги учрашувга “Локомотив” таркибда бир қатор йўқотишлар билан етиб келди. Огоҳлантиришлари сони ортиб кетган ҳимоячиси Муҳаммад Коне мазкур матчни ўтказиб юборади. Боиси унинг ҳисобидаги сариқ карточкалар сони 4 тага етди. У “Насаф”, “Пахтакор”, “Навбаҳор” ҳамда “Бунёдкор” жамоаларига қарши кечган беллашувларда ҳакам томонидан огоҳлантириш олган эди.
Шунингдек, Диёр Туропов ва Салим Мустафоев ҳам жароҳат сабаб бугунги баҳсда жамоага ёрдам беролмайди. Жароҳатини даволаш билан банд бўлган Ислом Тўхтахўжаев ҳамда Марат Бикмаев эса агар шифокор рухсат берса, майдонга тушиши мумкин.
