Bugun Toshkentning “Lokomotiv” jamoasi Oliy Liga 3-turidagi qoldirilgan o‘yinini o‘tkazadi. Jamoaga “Metallurg” raqiblik qiladi.
Bugungi uchrashuvga “Lokomotiv” tarkibda bir qator yo‘qotishlar bilan yetib keldi. Ogohlantirishlari soni ortib ketgan himoyachisi Muhammad Kone mazkur matchni o‘tkazib yuboradi. Boisi uning hisobidagi sariq kartochkalar soni 4 taga yetdi. U “Nasaf”, “Paxtakor”, “Navbahor” hamda “Bunyodkor” jamoalariga qarshi kechgan bellashuvlarda hakam tomonidan ogohlantirish olgan edi.
Shuningdek, Diyor Turopov va Salim Mustafoyev ham jarohat sabab bugungi bahsda jamoaga yordam berolmaydi. Jarohatini davolash bilan band bo‘lgan Islom To‘xtaxo‘jayev hamda Marat Bikmayev esa agar shifokor ruxsat bersa, maydonga tushishi mumkin.
