«Реал» ҳимоячиси Пепе «ПСЖ» клубига ўтмайдиган бўлди.
Marca хабарига кўра, Франция клубида тиббий кўрикдан ўтишга улгурган футболчининг трансфери сўнгги паллада амалга ошмай қолди. Энди у билан «Бешиктош» клуби қизиқмоқда. Футболчи КК-2017 мусобақаси якунига етганидан сўнг, Истанбул клуби билан шартнома имзолайди.
Эслатиб ўтамиз, 34 ёшли Пепе шартнома муддати тугагани боис, «Реал»ни бепул тарк этади.