«Рома» президенти Жеймс Паллотта «Милан» раҳбариятини танқид остига олди.
Унинг фикрига кўра, жамоани жиддий муаммолар кутмоқда.
«Милан»да нималар юз бераётганини тушунмайман. Уларнинг қилаётган ишида маъно йўқ. Хитойликларнинг клубни сотиб олиш учун пули йўқ эди. Шунда улар Лондонлик танишларимдан катта фоиз эвазига 300 млн евро қарз олишди. Энди эса трансферларга пул сочишмоқда. Бу ишлар учун жавобгарлик ҳам бор.
«Милан»нинг иш ҳақи харажатлари умумий даромади билан тенглашиб қолган. «Милан» - А сериянинг ақлдан озиб бораётган ягона клуби» - деди Паллотта Football Italia хабарида.
