Бугун Олий лига 16-турининг марказий учрашуви Қаршида бўлади.
Унда “Насаф” ва “Қўқон-1912” жамоалари ўзаро баҳс юритади. Ўйин “Марказий” стадионда соат 19:30да бошланади.
ЎзПФЛ 16-тур
“Насаф” (Қарши) – “Қўқон-1912” (Қўқон)
06.08.2017. “Марказий” стадион. 19:30да
Бош ҳакам: Владислав Цейтлин (Тошкент)
Ёрдамчи ҳакамлар: Александр Сидоров (Тошкент), Дониёр Сайлалов (Тошкент)
Захира ҳаками: Дилшод Каримов (Тошкент)
Назоратчи: Дмитрий Роман (Тошкент)
ЎзПФЛ вакили: Роман Черников.
Бу учрашув жамоаларнинг олий лигадаги ўзаро 16-учрашуви бўлади. Мазкур жамоалар чемпионатда умуман ўзаро дуранг ўйнашмаган. Шубҳасиз, бугун “аждарлар” ғалаба учун майдонга тушишади. Бу ғалаба “Насаф”ни турнир жадвалида 2-поғонага кўтарилиб олишига имкон яратади.
Қизиқарлиси, бу йилги футбол мавсумида жамоалар ўзаро тўртинчи бор туқнаш келишмоқда. Шулардан иккитаси кубок баҳслари бўлса, бугун чемпионатнинг иккинчи учрашувидир.
“Насаф” ва “Қўқон-1912” бир-бирларини жуда яхши ўрганиб бўлди. Бу ҳам ўйинга қизиқишни ортириши турган гап.
