"Пахтакор"нинг уй учрашувларига чипталарни "Kassa.uz" орқали электрон шаклда харид қилиш имконияти пайдо бўлди.
Клуб ва "Kassa.uz" ўртасидаги келишув натижасида ишқибозлар эндиликда "Пахтакор"нинг уй беллашувларига чипталарни исталган жойда турган ҳолда харид қилиш имкониятига эга.
"Kassa.uz" сайтининг спорт тадбирлари бўлимида 12 август куни ўтадиган "Пахтакор" - "Нефтчи" ўйинига чипталарни 11, 13, 31, 32, 33, 34 ва 35-секторлар учун 10 ва 20 минг сўмдан харид қилиш мумкин. Электрон ваучер учрашув куни стадион кассасида чиптага алмаштириб берилади.