Ёшлар лигасининг 18-турида "Нефтчи" - "Навбаҳор" ўйини ўтказилди.

27-дақиқада майдон эгалари ҳисобни очди. Бурчакдан оширилган тўпни тажрибали Шерзод Ҳакимов боши билан дарвозага йўллади.

Иккинчи бўлим бошида мезбонлар ҳисобдаги фарқни иккитага оширишди.Тез орада Равшан Ҳурсанов чиройли тарзда ҳаракат қилиб, дастлабки жавоб тўпини киритди.

Ўйининг якуний қисми анча қизғин кечди. Дастлаб Абдуллаевнинг тўп оширишидан сўнг Ҳурсанов ҳисобни тенглаштирди. Кейинги ҳужумда Равшан "хет-трик"ни нишонлаши мумкин эди. Бироқ якуний зарбага аниқлик етишмади. 87-дақиқада Акмал Турғунбоев тезкор ҳужумни гол билан якунлади. Мағлуб бўлишни истамаган мезбонлар ҳужумкорликни оширишди. Сўнгги дақиқаларда Эломон Каримов аниқ зарба йўллаб "Нефтчи"ни мағлубиятдан сақлаб қолди.

Ёшлар лигаси, 18-тур
18 август. Фарғона. Қиргули. "Нефтчи" қароргоҳи.
"Нефтчи" - "Навбаҳор" - 3:3 (1:0) 
Голлар: Ш. Ҳакимов (27), И. Тошпўлатов (50), Э. Каримов (89) - Р. Хурсанов (52, 83), А. Турғунбоев (87).
Ҳакамлар: Ж. Мухторов, Ш. Аъзамов, Р. Кападзе, С. Раҳмонов.
Назоратчи - А. Попов.
"Нефтчи": 80. Шуҳратилло Раҳмонов, 7. Аваз Ўлмасбеков (18. Фарҳод Намозов, 43, 22. Абдуқодир Ортиқов, 86), 8. Ислом Тошпўлатов, 9. Шерзод Ҳакимов, 10. Хуршид Асқаралиев, 15. Бобур Йўлдошев (20. Хусан Ғаниев, 66), 21. Муҳсин Убайдуллаев, 23. Ҳамидулло Абдуҳамидов (77. Ризо Айвезов, 58), 27. Шодиёр Ҳожиматов, 32. Миржалол Неъматов, 88. Тимур Ҳакимов (11. Эломон Каримов, 64).
"Навбаҳор": 64. Мирзоҳид Маматхонов, 4. Жавоҳир Олимжонов, 5. Ҳожиакбар Юнусов, 13. Аббос Ғуломов (2. Муҳаммаджон Охунмирзаев, 69), 15. Шаҳзод Ҳамидов (48. Акмал Турғунбоев, 56), 16. Шоҳруҳмирзо Аҳмадалиев (8. Музаффар Абдуллаев, 75),17. Билол Тошмирзаев (22. Акбаршо Рашидхонов, 77), 18. Равшан Ҳурсанов, 26. Остон Ўрунов (70. Илҳом Алибоев, 46, 3. Юнусбек Абдувоҳидов, 90+5), 30. Маҳмуд Нажмиддинов, 77. Абдулазиз Нишонбоев.
Огоҳлантиришлар: И. Тошпўлатов (13), Ш. Ҳожиматов (38).