«Барселона» бош мураббийи Эрнесто Вальверде Усмон Дембеленинг трансфери борасида ўз фикрларини билдириб ўтди.

«Дембеле – таркиб борасида имкониятларимизни оширадиган футболчи. У бизга керак эди. У ҳар иккала қанотда, марказда ва инсайд позициясида ўйнай олади. Дембеле — техник жиҳатдан кучли.

Трансфер бозори қандай ишлаётганидан хабаримиз бор. Сўнгги кунларда кўп ажиотаж кўтарилмоқда. Назаримда, барча жамоалар ўз тарихидаги энг қиммат футболчиларни сотиб олишга қарор қилган кўринади.

Яқингача Дембеле ҳақида ҳеч ким ҳеч нарса билмасди, аммо у ажойиб футболчи. «Барселона» уни ҳаммадан ҳам кўра кўпроқ қўлга киритишни истади.

Биз чемпионлар лигасида қийин гуруҳга тушдик. «Ювентус» – мусобақанинг ўтган йилги финалчиси. Бу жамоа бизни чорак финалдан чиқариб юборганди. Улар ҳужумда ҳам, ҳимояда ҳам бирдек яхши ўйнай олишади.

Дуглас Перейра, Арда Турон ва Томас Вермален жамоани тарк этишлари мумкин. Ҳозирда жамоада 5 нафар марказий ҳимоячи бор. Шу боис, Марлон бошқа клубга ўтиши мумкин», – деди Вальверде.