Франция терма жамоасининг собиқ устози Зайниддин Зидан ЖЧ-2006 финалида юз берган воқеага тўхталиб ўтди.

2006 йил 9 июль куни ЖЧ-2006 мусобақасининг Италия ва Франция ўртасидаги машҳур финали бўлиб ўтди.

Маълумки, ўйиннинг асосий вақти 1:1 ҳисобидаги дуранг натижа билан якунланди. Энг муҳим воқеалар қўшимча вақтларда юз берди. 110-дақиқада Франция терма жамоаси етакчиси Зайниддин Зиддан эҳтиросларини жиловлай олмади ва Италия ҳимоячиси Матераццининг кўкрагига калла қўйиб, уни ерга ағдарди. Шундан сўнг, бош ҳакам уни қизил карточка билан жазолаб, майдондан четлатди. Пенальтилар сериясида эса Италия терма жамоаси ғалаба қозонди.

«Бу билан фахрланмаганман. Менга ёшлар, мураббийлар ва футболни яхши томонга ўзгартиришни истаганлар олдида жуда ноқулай.

Бироқ, бу воқеа фаолиятимнинг, ҳаётимнинг бир қисмидир. Қанчалик нохуш бўлмасин, уни қабул қилишим ва унутишим керак», – деди Зидан.