Fransiya terma jamoasining sobiq ustozi Zayniddin Zidan JCH-2006 finalida yuz bergan voqeaga to‘xtalib o‘tdi.
2006 yil 9 iyul kuni JCH-2006 musobaqasining Italiya va Fransiya o‘rtasidagi mashhur finali bo‘lib o‘tdi.
Ma’lumki, o‘yinning asosiy vaqti 1:1 hisobidagi durang natija bilan yakunlandi. Eng muhim voqealar qo‘shimcha vaqtlarda yuz berdi. 110-daqiqada Fransiya terma jamoasi yetakchisi Zayniddin Ziddan ehtiroslarini jilovlay olmadi va Italiya himoyachisi Materassining ko‘kragiga kalla qo‘yib, uni yerga ag‘dardi. Shundan so‘ng, bosh hakam uni qizil kartochka bilan jazolab, maydondan chetlatdi. Penaltilar seriyasida esa Italiya terma jamoasi g‘alaba qozondi.
«Bu bilan faxrlanmaganman. Menga yoshlar, murabbiylar va futbolni yaxshi tomonga o‘zgartirishni istaganlar oldida juda noqulay.
Biroq, bu voqea faoliyatimning, hayotimning bir qismidir. Qanchalik noxush bo‘lmasin, uni qabul qilishim va unutishim kerak», – dedi Zidan.
