Бугун Қарши шаҳридаги “Марказий” стадионда катта футбол.

“Насаф” Олий лига 23-тур учрашувини ўз майдонида Навоий шаҳрининг “Қизилқум” жамоасига қарши ўтказади.

Ўйин 30 сентябр шанба куни “Марказий” стадионда соат 18:00да бошланади.

УЧРАШУВ ПРЕВЬЮСИ

“Насаф” – “Қизилқум” шу пайтгача 35 марта куч синашган. Ушбу баҳсларнинг 20 тасида Насафнинг қўли баланд келган бўлса, 6 учрашувда навоийлик футболчилар ғалаба қозонишган. 9 учрашувда томонлар дурангга имзо чекишган.

Тўплар нисбати бўйича ҳам “Насаф” устунлик қилмоқда: 66-38.

Жамоалар Қаршида жами 16 марта ўзаро баҳслашган. Уларнинг 13тасида Насаф ғалаба қозонган, бир учрашувда “Қизилқум” жамоаси кичик 1:0 ҳисобида ғалабага эришган. Бу учрашув 2008 йили бўлиб ўтган. Қолган 2 учрашувда муроса кўчаси танланган. Қаршидаги учрашувларда жами дарвозаларга 57 марта гол киритилган. Голлар нисбати бўйича ҳам устунлик “Насаф” томонида: 43-14.

Бўлажак учрашув жамоаларнинг Қаршидаги 17-ўйини сифатида тарихга киради.
Ушбу жамоаларнинг биринчи даврадаги Навоийда бўлиб ўтган учрашуви жанговор 1:1 дуранг натижа билан ниҳоясига етган. Учрашувдаги ҳар иккала гол пенальтидан киритилган эди.

Барча футбол ишқибозларини “Марказий” стадионга таклиф этиб қоламиз.

ЎзПФЛ 23-тур
“Насаф” (Қарши) – “Қизилқум” (Навоий)
30.09.2017. “Марказий” стадиони. 18:00да
Бош ҳакам: Шерзод Қосимов (Тошкент)
Қанот ҳакамлари: Алишер Усмонов (Тошкент), Тимур Гайнулин (Тошкент),
Захира ҳаками: Дмитрий Клепиков (Тошкент)
Назоратчи: Хушвақт Мухторов (Самарқанд).
ЎзПФЛ вакили: Роман Черников.