Ёшлар (U19) ўртасидаги Осиё чемпионати саралаш босқичи доирасида "В" гуруҳи ўйинлари Душанбеда старт олди. Ўзбекистон терма жамоаси ҳам мазкур саралаш босқичида иштирок этиш учун Тожикистонга йўл олганидан хабарингиз бор.

Кеча гуруҳнинг дастлабки ўйинлари бўлиб ўтди. Эътиборли томони, ҳар иккала баҳсда дуранг натижа қайд этилди. Мальдив ороллари ва Шри Ланка терма жамоалари ўртасидаги ўйин 2:2 ҳисоби билан якунланди. Учрашувга қўшиб берилган дақиқаларда шри-ланкаликлар ҳисобни тенглаштиришга муваффақ бўлди.

Мезбон — Тожикистон ёшлар терма жамоаси эса, кутилмаганда, Бангладеш дарвозасига йўл топа олмади — 0:0.

Александр Мочинов бошчилигидаги Ўзбекистон ёшлар терма жамоаси дастлабки ўйинни эртага, 2 ноябрь куни Шри-Ланкага қарши ўтказади.

2 ноябрь, пайшанба
12:00  Шри-Ланка – Ўзбекистон
15:00  Мальдив ороллари – Бангладеш

4 ноябрь, шанба
12:00  Ўзбекистон – Мальдив ороллари
15:00  Тожикистон – Шри-Ланка

6 ноябрь, душанба
14:00  Бангладеш – Ўзбекистон
17:00  Тожикистон – Мальдив ороллари

8 ноябрь, чоршанба
14:00  Шри-Ланка – Бангладеш
17:00  Ўзбекистон – Тожикистон

Изоҳ: Учрашув соатлари Тошкент вақти билан кўрсатилган.

Маълумот учун, U-19 Осиё чемпионатига мезбон Индонезиядан ташқари саралашнинг гуруҳ босқичида биринчи ўринни эгаллаган 10 жамоа ҳамда иккинчи ўринни эгаллаган энг яхши 5 жамоа йўл олади. U-19 ОЧ финал босқичи 2018 йилнинг 18 октябрь – 4 ноябрь кунлари бўлиб ўтади.