Айни пайтгача Роналду ва Мессининг таққосланиши ўлмас мавзуга айланиб келган. Бундан кейин ҳам, ҳатто улар фаолиятини тугатганидан сўнг ҳам бу иккала афсонани таққослаш тўхтамаса керак. Шу ўринда бир фикрни илгари сурмоқчимиз, Роналду Мессидан ёки Месси Роналдудан кучли деб айтиб бўлмайди. Бунинг сабабларига ҳозир тўхталиб ўтамиз.
РОНАЛДУ МЕССИДАН КУЧЛИ ЭМАС
Роналду Мессидан кучли эмас. Тўғри, у баъзида Мессидан кўп гол уради, терма жамоа сафида Мессидан омадли ҳаракат қилади, бироқ булар вақтинчалик нисбий тушунчалар. Яъни бу умумий хулоса чиқариш учун етарли бўлмайди. Роналду Мессидан кучли эмаслигига сабаб у Мессининг дриблингларини такрорлай олмайди. Шахсан мен Роналдунинг Месси каби беш-олтита футболчини алдаб келиб гол урганини кўрмаганман. Бу билан Роналдуда дриблинг йўқ демоқчи эмасман, асло. Фақат Мессининг дриблинги, Мессидаги алдаш иқтидори ҳам машғулот натижаси, ҳам туғма иқтидор. Мессида бу чўққига чиқиб бўлган. Роналдуда эса ўзига етарли даражада бор, холос.