Ўзбекистон ўсмирлар (U16) терма жамоасидан сўнг мамлакатимизнинг ёшлар (U19) терма жамоаси ҳам Осиё чемпионатига чиқа олмади. Яқин йиллар ичида ўзбек футболида бунчалар хунук натижалар кузатилмаганди...
Душанбеда бўлиб ўтган саралашнинг сўнгги турида Мочинов шогирдларини дуранг натижа ҳам қаноатлантирар эди. Аммо ёшларимиз бу вазифани ҳам уддалай олишмади. Иккинчи бўлим бошида мезбонлар дарвозамизни ишғол қилишди. Маълумотларга қараганда, ҳакамлар Тожикистон ёшлари дарвозаси томон яққол пенальтини бермаган.
Аммо бу Осиё чемпионатига чиқа олмаслик учун баҳона бўла олмайди. Аввалги турда Бангладешни йирикроқ ҳисобда мағлуб этганимизда энг яхши кўрсаткичга эга бўлган жамоалар орасидан ОЧга чиқишимиз мумкин эди. Аммо ҳаммаси аянли якун топди.
Шри-Ланка ва Мальдив оролларига қарши ўйинлардаги йирик ғалабалар бизга ҳеч қандай наф келтиргани йўқ. Боиси, 2-ўринни эгаллаган жамоалар рейтингини тузишда гуруҳда қуйи ўринни эгаллаган иккита жамоа билан натижалар чиқариб ташланди.
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Тожикистон | 4 | 3 | 1 | 0 | 12-0 | 10 |
| 2 | Ўзбекистон | 4 | 3 | 0 | 1 | 17-1 | 9 |
| 3 | Бангладеш | 4 | 2 | 1 | 1 | 5-1 | 7 |
| 4 | Мальдив ороллари | 4 | 0 | 1 | 3 | 2-14 | 1 |
| 5 | Шри Ланка | 4 | 0 | 1 | 3 | 2-22 | 1 |
2-ўринни эгаллаган жамоалар рейтинги:
