Аввал хабар бериб ўтганимиздек, Россиянинг Белоярский шаҳрида бокс бўйича “Нефт мамлакатлари кубоги” муосбақаси бўлиб ўтмоқда.
Мазкур мусобақада бугун, 26 ноябрь куни 4 нафар ўзбекистонлик боксчи финал ўйинларида иштирок этишлари режалаштирилган.
Бироз аввал Ҳасанбой Дўсматов 52 кг вазнда россиялик Расул Жааевга қарши финал жангини ўтказди.
Мусобақанинг олтин медали учун бўлиб ўтган жангда Ҳасанбой рақибидан ҳар қайси томонда устунликга эга чиқиб, якунда янги вазни тоифасида “Нефт мамлакатлари кубоги” ғолибига айланди.
Маълумот ўрнида, Дўстматов бугунги кунга қадар фақат -49 кг вазн тоифасидаги жангларда рингга кўтариларди.
Ҳасанбой “Рио Олимпиадасида ҳам айнан шу вазнда чемпионлик унвонини қўлга киритган.
Эслатиб ўтамиз, бугун яна уч нафар ўзбекистонлик боксчи финал жангларида рингга кўтарилишди.
