Avval xabar berib o‘tganimizdek, Rossiyaning Beloyarskiy shahrida boks bo‘yicha “Neft mamlakatlari kubogi” muosbaqasi bo‘lib o‘tmoqda.

Mazkur musobaqada bugun, 26 noyabr kuni 4 nafar o‘zbekistonlik bokschi final o‘yinlarida ishtirok etishlari rejalashtirilgan.

Biroz avval Hasanboy Do‘smatov 52 kg vaznda rossiyalik Rasul Jaayevga qarshi final jangini o‘tkazdi.

Musobaqaning oltin medali uchun bo‘lib o‘tgan jangda Hasanboy raqibidan har qaysi tomonda ustunlikga ega chiqib, yakunda yangi vazni toifasida “Neft mamlakatlari kubogi” g‘olibiga aylandi.

Ma’lumot o‘rnida, Do‘stmatov bugungi kunga qadar faqat -49 kg vazn toifasidagi janglarda ringga ko‘tarilardi.

Hasanboy “Rio Olimpiadasida ham aynan shu vaznda chempionlik unvonini qo‘lga kiritgan.

Eslatib o‘tamiz, bugun yana uch nafar o‘zbekistonlik bokschi final janglarida ringga ko‘tarilishdi.