«Монако» клуби ўзининг янги спорт директори Майкл Эменалони таништирди. Бундан олдин у «Челси»да худди шундай лавозимда фаолият юритиб келган.
“Олдига юқори мақсадларни қўйган йирик лойиҳада иштирок этиш, мен учун ажойиб имконият бўлди.
«Монако» клуби сўнгги йилларда юқори суръатдаги ўсишни кўрсатиб берди ва унинг келажаги ҳам шундай ёрқин бўлади. Вадим Васильев мени «Монако» клубига таклиф қилди ва мен бажонидил бунга рози бўлдим”, - дейди Эменало.
Нигериялик мутахассис «Челси»да 2007 йилдан буён ишлаб келган, техник директор лавозимида эса 2011 йилдан фаолият юритган. 6-ноябрь куни Лондон клубини тарк этди.
