«Monako» klubi o‘zining yangi sport direktori Maykl Emenaloni tanishtirdi. Bundan oldin u «Chelsi»da xuddi shunday lavozimda faoliyat yuritib kelgan.
“Oldiga yuqori maqsadlarni qo‘ygan yirik loyihada ishtirok etish, men uchun ajoyib imkoniyat bo‘ldi.
«Monako» klubi so‘nggi yillarda yuqori sur’atdagi o‘sishni ko‘rsatib berdi va uning kelajagi ham shunday yorqin bo‘ladi. Vadim Vasilyev meni «Monako» klubiga taklif qildi va men bajonidil bunga rozi bo‘ldim”, - deydi Emenalo.
Nigeriyalik mutaxassis «Chelsi»da 2007 yildan buyon ishlab kelgan, texnik direktor lavozimida esa 2011 yildan faoliyat yuritgan. 6-noyabr kuni London klubini tark etdi.
