БАА лига кубоги гуруҳ босқичининг сўнгги турида "Ал-Жазира" ўз майдонида "Ҳатта"ни қабул қилиб, 1:2 ҳисобида имкониятни бой берди. Учрашувнинг 62-дақиқасида захирадан майдонга тушган Сардор Рашидов, 90-дақиқада олис масофадан зарба бериб, чиройли гол муаллифига айланди. Ушбу гол натижасида "Жазира" ҳисобни тенглаштирган бўлса, қўшиб берилган дақиқаларда меҳмонлар ғалаба тўпини киритишга муваффақ бўлишди. Ўзбекистонлик футболчининг голини қуйида томоша қилишингиз мумкин.
Мазкур мағлубиятга қарамай, "Ал-Жазира" гуруҳда 2-ўринни эгаллаб, Лига кубогининг чорак финалига йўл олди. Рашидов жамоаси ушбу босқичнинг дастлабки ўйинини кеча сафарда "Дибба ал-Фужайра" клубига қарши ўтказиб, 1:3 ҳисобида имкониятни бой берди. Сардор мазкур ўйинда захирада қолдирилди. Жавоб ўйини 15 февраль куни бўлиб ўтади.
