Янги йил байрамидан сўнг клуб ихтиёрига ўз вақтида етиб кедлмай, учта мушғулотни ўтказиб юборган "ПСЖ" яримҳимоячиси Хавьер Пасторе фикрлари билан ўртоқлашди
"Мен Парижни, "ПСЖ"ни севаман. Менинг оиламдай бўлиб қолган бу клубга ҳеч қачон ёмонлик қилмайман. Менда шахсий муаммолар туғилган эди. Мен бу лойиҳага ишонч билдирган биринчи шахсман, клубдагилар ҳам менга ишонишган. Ҳар доим виждоним билан иш кўраман. Мен ўзгармайман!", - дейди Пасторе.
Пасторенинг парижликлар билан шартномаси 2019 йилнинг ёзигача тузилган. Миш-мишларга кўра, уни "Интер" ижарага олмоқчи.
