Ҳимоячи Хавьер Маскерано “Барселона”дан кетишга деярли яқин турибди. Mundo Deportivo нашрининг хабарига кўра, каталонияликлар аргентиналик футболчини Хитойнинг “Хэбей Чайна Форчун” жамоасига сотиб бўлишган. Трансфери нархи 10 млн еврони ташкил этиши кутилмоқда.
Манбада ёзилишича, Маскерано “Барселона”даги сўнгги ўйинини 25 январь куни “Камп Ноу” стадионида “Эспаньол”га қарши жавоб учрашувида ўтказади. Бугун “Эспаньол”га қарши биринчи ўйин бўлиб ўтади, аммо Маскерано жароҳати сабаб майдонга туша олмайди.
Аввалроқ Маскеранодаги 14-рақамида Филиппе Коутиньо ўйнаши ҳақида хабарлар тарқалганди.
