«ПСЖ» ҳужумчиси Неймарнинг ҳуқуқшуносларидан бири Маркос Мотта футболчининг шартномаси борасида айрим маълумотларга ойдинлик киритиб ўтди.
«Кафолат бера оламанки, Неймарнинг «ПСЖ» билан шартномасида товон пули белгиланмаган. Шунингдек, унда қандайдир аниқ мақсадлар ва энг яхши тўпурар унвони ҳақида банд йўқ», – деди Мотта.
Аввалроқ Неймарга «Реал» қизиқаётгани ҳамда трансфер нархи 400 миллион еврога баҳоланаётгани ҳақида хабар тарқалганди.