"Реал" охирги вақтдаги омадсизликларидан сўнг клуб раҳбарияти жамоа бош мураббийи вазифасига "Тоттенҳэм" устози Маурисио Почеттинони таклиф қилмоқчи.
Daily Mail ва бошқа бир қатор манбаларга кўра, мадридликлар аргентиналик мутахассиснинг вакиллари билан алоқага чиқишган. Мутахассиснинг ўзида ҳам "Реал"да ишлаш истаги бор.
Почеттино билан Лондон кулби ўртасидаги шартнома 2021 йилгача мўлжалланган ва уни узайтириш ҳақида банд йўқ. Шу сабабли мутахассис "шпорлар" хўжайини Даниэль Левини ўзини Испанияга қўйиб юборишга кўндиришига тўғри келади.
"Тоттенҳэм" Почеттинони қўйиб юборишга тайёр эмас, чунки жамоанинг етакчи ўйинчилари - Ҳарри Кейн, Деле Алли ва Уго Льориснинг клкбдаги келажаги кўп жиҳатдан мураббийга боғлиқ.
Мадридликлар устози Зинедин Зиданга босимлар ортиб бормоқда. Почеттино унинг ўрнига номзодлар орасида биринчи ўринда турибди.
