Европа лигаси 1/16 финалида "Атлетик" ва "Спартак" учрашуви олдидан ишқибозлар ўртасида келиб чиққан тартибсизлик вақтида полициячининг юраги тўхташи натижасида вафот этди.
Тўқнашув оқибатида Бильбаодаги шифохоналарнинг бирига 5 киши ётқизилди. Улардан 3 таси россиялик ишқибозлардир. Соат 22:00 га келиб, полициячининг ҳаётини сақлаб қолинмагани маълум бўлди.
Ўйин олдидан кўрилган чораларга қарамай, "Сан Мамес" стадиони атрофида оммавий муштлашувлар келиб чиққан.
Тўнашувда шиша идишлар, шиша буюмлар ва файерлар ишлатилган. Беш киши ҳибсга олинган, улардан учтаси - россияликлар.
