Yevropa ligasi 1/16 finalida "Atletik" va "Spartak" uchrashuvi oldidan ishqibozlar o‘rtasida kelib chiqqan tartibsizlik vaqtida polisiyachining yuragi to‘xtashi natijasida vafot etdi.
To‘qnashuv oqibatida Bilbaodagi shifoxonalarning biriga 5 kishi yotqizildi. Ulardan 3 tasi rossiyalik ishqibozlardir. Soat 22:00 ga kelib, polisiyachining hayotini saqlab qolinmagani ma’lum bo‘ldi.
O‘yin oldidan ko‘rilgan choralarga qaramay, "San Mames" stadioni atrofida ommaviy mushtlashuvlar kelib chiqqan.
To‘nashuvda shisha idishlar, shisha buyumlar va fayerlar ishlatilgan. Besh kishi hibsga olingan, ulardan uchtasi - rossiyaliklar.
