«Барселона»нинг собиқ бош мураббийи Луис Энрике «Пари Сен-Жермен»да иш бошлаши мумкин.
Daily Star тарқатган хабарга кўра, парижликлар клуби Унаи Эмери хизматларидан воз кечмоқчи, у ёзда жамоани тарк этиши кутилмоқда.
Қайд этилишича, «ПСЖ» айни вақтда «Челси» томонидан ҳам ишга таклиф этилаётган Энрикенинг барча талабларини бажаришга рози бўлади.
Бундан аввалроқ, «Челси» Антонио Конте мавсум охирида клубни тарк этиши хабар қилинганди. Баъзи хабарларда эса Роман Абрамович испаниялик мутахассис билан алоқага чиққан ва уни жамоага таклиф этган.
«ПСЖ»да эса жамоанинг собиқ бош мураббийи Карло Анчелоттини ортга қайтариш варианти ҳам мавжуд.
