«Barselona»ning sobiq bosh murabbiyi Luis Enrike «Pari Sen-Jermen»da ish boshlashi mumkin.
Daily Star tarqatgan xabarga ko‘ra, parijliklar klubi Unai Emeri xizmatlaridan voz kechmoqchi, u yozda jamoani tark etishi kutilmoqda.
Qayd etilishicha, «PSJ» ayni vaqtda «Chelsi» tomonidan ham ishga taklif etilayotgan Enrikening barcha talablarini bajarishga rozi bo‘ladi.
Bundan avvalroq, «Chelsi» Antonio Konte mavsum oxirida klubni tark etishi xabar qilingandi. Ba’zi xabarlarda esa Roman Abramovich ispaniyalik mutaxassis bilan aloqaga chiqqan va uni jamoaga taklif etgan.
«PSJ»da esa jamoaning sobiq bosh murabbiyi Karlo Anchelottini ortga qaytarish varianti ham mavjud.
