"Манчестер Сити" бош мураббийи Хосеп Гвардиола АПЛнинг 30-турида "Сток Сити" устидан қозонилган ғалабадан сўнг фикрлари билан ўртоқлашди.
"Чемпионликка жуда яқин турибмиз, бизда 81 очко бўлди, бу жуда кўп. Бугун яхши ўйнадик, рақибимизда бир марта ҳам вазият бўлмади.
Олдимизда уч ҳафталик танаффус бор, тикланиш учун Абу-Дабига бориб келамиз.
Чемпион бўлиш жуда қийин, аммо клубимиз тарихида совринлар жуда оз. Чемпионликни тезроқ қўлга киритишни истаймиз, шунда терма жамоалар ўйинлари учун танаффусда нафасимизни ростлаб оламиз.
"МЮ"дан юқори туришимиз мухлисларимиз учун қанчалик муҳимлигини тушунамиз. Навбатдаги манзилимиз - "Эвертон". Агар бугунгидай ўйнаб турсак, эртами, кечми, чемпион бўламиз", - дейди Гвардиола
