"Ювентус" дарвозабони Жанлуижи Буффон чемпионлар лигасида "Реал" тўсиғидан ўтиш учун нрима қилиш кераклигини айтди.

"Қўлимиздан келганча ўйнашимиз керак. Бундан ортиқ эмас. Маълум вазиятларда омад керак бўлади. Ўйиндан кейин одамлар буни унутадилар, фақат натижа қолади. Уч йил аввалги "Реал" билан ўйинимизни эслайман, уларнинг жарима тўпи рикошет бўлиб дарвозам тўсинига текканди. Бу ҳал қилувчи ва бурилиш ҳодисаси бўлди. Агар гол бўлганида "Реал" 2:1 ҳисобида олдинга чиққан бўлар эди. Аммо ўйин 2:1 ҳисобида бизнинг ғалабамиз билан тугади. Одамлар буни эсдан чиқариб юборадилар. Мен навбатдаги босқичга чиқиш ва кичик хатолар сабабли мусобақадан чиқиб кетиш нима эканини биламан. Умид қиламанки, "Ювентус"га кичик вазиятларда омад кулиб боқади.

Янги учрашув бизга хурсандчилик олиб келмагани аниқ. "Реал" ҳам худди "Барселона", балки, "Сити", "Бавария" каби бизга дуч келишини истамаган жамоалардан бири. Биз ғалаба учун ўйнаймиз. Ўтган ўйинлардаги тарибалар бизга асқотади, деб умид қиламан", - дейди Буффон.