ЕЧЛ чорак финалида "Ювентус" - "Реал" учрашувида (0:3) мусобақанинг янги рекорди ўрнатилди.
Мадридиклар ҳимоячиси Даниль Карвахаль бу мусобақада қаторасига 25-ўйинда мағлубиятга учрамади ва янги рекордни ўрнатди.
Бу Европанинг энг нуфузли мусобақасида футболчилар томонидан ўтказилган энг узоқ сериядир.
Таркибида Карвахаль бўлган "Реал" охирги марта 2015 йилнинг 5 май кунида мағлуб бўлган эди. Ўшанда мадридликлар Туринда ЕЧЛ яримфиналининг биринчи ўйинида 1:2 ҳисобида мағлуб бўлган эдилар.
Бундан олдинги рекорд "МЮ"нинг собиқ ўйинчилари Луиш Нани ва Патрис Эврага тегишли эди. Улар ЕЧЛда қаторасига 24 ўйинда мағлуб бўлмаганлар.
