Мюнхеннинг «Бавария» клуби бош мураббийи Юпп Ҳайнкесс лифтда содир бўлган кулгили воқеа ҳақида сўзлаб берди.
«Кеча лифтга чиққанимда у ерда севишган жуфтликни кўриб қолдим. Қўлимда «Бавария» логотипи туширилган пакет ҳам бор эди. Буни кўрган аёл менга савол берди: «Сиз «Бавария»га мухлислик қиласизми?» Мен ҳам дарҳол жавоб қайтардим: «Ҳа, албатта!», дея гапириб берган Ҳайнкес.
Эслатиб ўтамиз, Юпп Ҳайнкес бошчилигида «Бавария» 2013 йилда Европа чемпионлар лигаси, Германия чемпионлиги ва кубогида зафар қучганди. Ҳозирда у жамоани мавсум сўнгига қадар бошқариб туриш вазифасини олган.