Myunxenning «Bavariya» klubi bosh murabbiyi Yupp Haynkess liftda sodir bo‘lgan kulgili voqea haqida so‘zlab berdi.
«Kecha liftga chiqqanimda u yerda sevishgan juftlikni ko‘rib qoldim. Qo‘limda «Bavariya» logotipi tushirilgan paket ham bor edi. Buni ko‘rgan ayol menga savol berdi: «Siz «Bavariya»ga muxlislik qilasizmi?» Men ham darhol javob qaytardim: «Ha, albatta!», deya gapirib bergan Haynkes.
Eslatib o‘tamiz, Yupp Haynkes boshchiligida «Bavariya» 2013 yilda Yevropa chempionlar ligasi, Germaniya chempionligi va kubogida zafar quchgandi. Hozirda u jamoani mavsum so‘ngiga qadar boshqarib turish vazifasini olgan.