Мисрлик Муҳаммад Нофаль Россияга жаҳон чемпионатида терма жамоасини қўллаб-қувватлаш учун велосипедда бормоқчи.
“Бу ғоя менга Миср 28 йилдан бери биринчи марта жаҳон чемпионатига йўл олганидан кейин келди, — дейди мухлис “Риа Новости”га берган интервьюсида. — Мени бу саёҳатда кўплаб ташкилотлар қўллаб-қувватлашади”.
Маълумотларга кўра, Нофаль Россия чегарасини 31 май куни кесиб ўтмоқчи. Москвага эса 7 июнда етиб келишни мўлжаллаяпти. Унда, шунингдек, мамлакатни саёҳат қилиш учун керак бўладиган виза ва жаҳон чемпионати ишқибози эканлиги тўғрисидаги ҳужжат ҳам бор. Нофалнинг мақсади — маданий бойликка бойитишга ўз ҳиссасини қўшиш. У Мисрга жамоа билан бирга самолётда қайтишни режалаштирмоқда.
