Misrlik Muhammad Nofal Rossiyaga jahon chempionatida terma jamoasini qo‘llab-quvvatlash uchun velosipedda bormoqchi.
“Bu g‘oya menga Misr 28 yildan beri birinchi marta jahon chempionatiga yo‘l olganidan keyin keldi, — deydi muxlis “Ria Novosti”ga bergan intervyusida. — Meni bu sayohatda ko‘plab tashkilotlar qo‘llab-quvvatlashadi”.
Ma’lumotlarga ko‘ra, Nofal Rossiya chegarasini 31 may kuni kesib o‘tmoqchi. Moskvaga esa 7 iyunda yetib kelishni mo‘ljallayapti. Unda, shuningdek, mamlakatni sayohat qilish uchun kerak bo‘ladigan viza va jahon chempionati ishqibozi ekanligi to‘g‘risidagi hujjat ham bor. Nofalning maqsadi — madaniy boylikka boyitishga o‘z hissasini qo‘shish. U Misrga jamoa bilan birga samolyotda qaytishni rejalashtirmoqda.
