"Ливерпуль" бош мураббийи Юрген Клопп ЕЧЛ 1/4 финалидан "Манчестер Сити" билан жавоб учрашувидан сўнг (2:1) таассуротлари билан ўртоқлашди.

"Дастлабки дақиқалардаёқ ўтказиб юборган гол туфайли, ўйин қийин кечди. Биз бу голни шунчаки совға қилдик. Шундай бўлиши кутган эдим, аммо менга жамоанинг реакцияси ёқди.

"Манчестер Сити" катта таваккалга қўл урди. Бизга озгина омад ва ҳимояда тартиб керак эди. Тўғрисини айтсам, танаффусда жуда ҳам бахтиёр эмасдим.

Гвардиола таваккал қилди, бу унинг қарори. У тўғри бўлиши ҳам мумкин эди, айтишга осон.

Улар биринчи бўлимда яна 2-3 та гол уришларимумкин эди, аммо бизда ҳам тўп бўлиши ва голли вазиятлар содир бўлиши мумкин эди.

Бу ерда гап етукликда эмас, натижада, характерда, руҳиятда ва натижа учун курашда. Биз яхши ҳимояландик. Бу ўйин биз учун энг яхшилардан бўлди", - дейди Клопп.