“Ювентус” клуби УЕФА ҳакамлар қўмитаси раҳбари Пьерлуижи Коллинага қарши иш бошлади. Турин клуби Коллинанинг истеъфога чиқишини истамоқда. “Ювентус” раҳбарияти “Реал”га қарши ЕЧЛ чорак финали ўйинларидаги ҳакамликлардан норози бўлишмоқда. Чунки биринчи ўйинда Дибала майдондан четлатилган бўлса, иккинчи ўйинда “Ювентус” дарвозасига шубҳали пенальти белгиланганди.
Турин клуби аллақачон иттифоқдошлар топишга ҳам улгурди. “Бавария”, “Манчестер Сити”, “ПСЖ”, “Рома”, “Милан” ва “Лацио” ҳам “Ювентус”ни қўллаб-қувватлашяпти. Клуб президенти Андре Аньелли яқин орада УЕФА президенти Александр Чеферин билан учрашади.
