Ўзбекистон Суперлигаси клублари матбуот котиблари Россиянинг “Краснодар” клуби билан ҳамкорликда ташкил этилган ўқув семинарида иштирок этмоқда.

Клублар матбуот котиблари ушбу семинарда иштирок этиш учун кеча Россиянинг Краснодар шаҳрига етиб боришди.

Режага кўра, семинар иштирокчилари клуб академиясига ташриф буюриб, бу ердаги шароитлар, клуб тизими, клуб матбуот хизмати фаолияти билан танишди.

Шунингдек, матбуот котиблар Краснодар ҳамда Туланинг Арсенал клубларининг ёшлари ва асосий таркиблари ўртасидаги учрашувни стадиондан томоша қилишди. Учрашув давомида медиа тадбирлар қай тартибда ўтказилишини ўрганишди.

Бу каби тажриба ўрганишлар Суперлига жамоаларининг фаолиятини матбуотда ёритиш борасида манфаатли бўлиши аниқ.