O‘zbekiston Superligasi klublari matbuot kotiblari Rossiyaning “Krasnodar” klubi bilan hamkorlikda tashkil etilgan o‘quv seminarida ishtirok etmoqda.

Klublar matbuot kotiblari ushbu seminarda ishtirok etish uchun kecha Rossiyaning Krasnodar shahriga yetib borishdi.

Rejaga ko‘ra, seminar ishtirokchilari klub akademiyasiga tashrif buyurib, bu yerdagi sharoitlar, klub tizimi, klub matbuot xizmati faoliyati bilan tanishdi.

Shuningdek, matbuot kotiblar Krasnodar hamda Tulaning Arsenal klublarining yoshlari va asosiy tarkiblari o‘rtasidagi uchrashuvni stadiondan tomosha qilishdi. Uchrashuv davomida media tadbirlar qay tartibda o‘tkazilishini o‘rganishdi.

Bu kabi tajriba o‘rganishlar Superliga jamoalarining faoliyatini matbuotda yoritish borasida manfaatli bo‘lishi aniq.