"Арсенал" бош мураббийи Арсена Венгер АПЛ доирасида "МЮ" билан учрашув олдидан манчестерликларнинг собиқ устози сэр Алекс Фергюсондан кубок-совға қабул қилиб олди.
Кубокда нималар ёзилгани маълум бўлди:
"Британия империяси ордени кавалери сэр Алекс Фергюсон ва Жозе Моуриньодан 1996-2018 йилларда "Арсенал"даги хизматлари учун Арсен Венгерга совға".
Шотландиялик мутахассис Венгерга қора қутида кумуш кубок совға қилган, сўнг франциялик мутахассис Жозе Муоуриньони ҳам бирга суратга тушишга чорлаган.
Эслатиб ўтамиз, Венгер мавсум якунида "Арсенал"даги фаолиятини тугатишини эълон қилган.