“Арсенал” клуби бош мураббийи Арсен Венгер ярим ҳимоячи Месут Ўзил манзилига бўлган танқидий фикрларга қарши ўз жавобини қайтарди.

“Бу фикрга қаршиман. Менимча, Ўзилни бу ўйиндаги жисмоний ҳолати ҳақидаги статистикаси билан танишиб чиқсанглар бу фикрдан қайтасизлар. Ўйин қийин бўлди, хаддан ташқари шиддат билан ўтди.

Тўғри, Ўзил гол уролмади лекин бу мағлубиятда фақатгина уни айбдор қилиб қўйиш нотўғри.

Биз бутун жамоа бўлиб мағлубиятга учрадик. Демак, бу мағлубиятда ҳаммани ҳиссаси бор.

Иккита ўйинда ҳам гол уриш учун бизда кўплаб вазиятлар бўлди.

Биз эса улардан фойдалана олмадик”, - дейди Венгер.