“Arsenal” klubi bosh murabbiyi Arsen Venger yarim himoyachi Mesut O‘zil manziliga bo‘lgan tanqidiy fikrlarga qarshi o‘z javobini qaytardi.

“Bu fikrga qarshiman. Menimcha, O‘zilni bu o‘yindagi jismoniy holati haqidagi statistikasi bilan tanishib chiqsanglar bu fikrdan qaytasizlar. O‘yin qiyin bo‘ldi, xaddan tashqari shiddat bilan o‘tdi.

To‘g‘ri, O‘zil gol urolmadi lekin bu mag‘lubiyatda faqatgina uni aybdor qilib qo‘yish noto‘g‘ri.

Biz butun jamoa bo‘lib mag‘lubiyatga uchradik. Demak, bu mag‘lubiyatda hammani hissasi bor.

Ikkita o‘yinda ham gol urish uchun bizda ko‘plab vaziyatlar bo‘ldi.

Biz esa ulardan foydalana olmadik”, - deydi Venger.