Pepsi Суперлига 11-тури доирасидаги “Насаф” ҳамда “Пахтакор” ўртасидаги учрашувдан сўнг “Пахтакор” ярим ҳимоячиси Жалолиддин Машарипов ўйин ҳақида фикрлари билан ўртоқлашди.
- Бундай ўйинни кўпчилик соғинганди. Ҳар икки жамоа ҳужумкор ва чиройли футбол намойиш қилди. Мухлисларга бу ёқди деб ўйлайман. "Насаф" ҳар қандай жамоага жиддий қаршилик кўрсатади. Бугун кўпроқ ғалаба қозонишни хоҳладик ва буни уддаладик.
"Пахтакор" мен учун уйдек бўлиб қолган. Шу сабабли қадрдон жамоам сафига қайтдим. Бу ерда ўзимни жуда қулай ҳис қиламан. Ёшлигимдан клуб академиясида катта бўлганман. Ўйнаш ва муҳит менга бу ерда жуда қулай.
