Криштиану Роналдунинг дўсти — журналист Нуну Гомеш португалиялик футболчининг нима учун "Реал"дан кетмоқчи бўлаётганининг сабабини айтди. Чемпионлар лигаси финал баҳсидан кейин Роналду "Қироллик клуби"ни тарк этиши мумкинлигига ишора қилганди.
«Клуб раҳбарияти Роналдуга шартномани узайтириш борасида ваъда берганди, аммо улар ўз сўзининг устидан чиқмади. Криштиану – жаҳоннинг энг яхши футболчиси. Унинг қадрига етишмаяпти, унга кам маош тўлашмоқда. Флорентино Перес унинг маошини оширишга ваъда берганди. Роналду шартнома узайтириш борасида мурожаат қилганида, ҳозир бунинг мавриди эмаслигини айтишди. Клуб ўз ваъдасини бажармагани учун Криштианунинг жаҳли чиқди», – деди Нуну Гомеш.