"Реал" футболчилари жамоа бош мураббийи Зинедин Зиданнинг истеъфоси ҳақидаги хабарга дарров ишонмадилар, аммо хабар тасдиқланганидан сўнг шокка тушдилар деб ёзади Marca.
Манбага кўра, футболчилар бугунги матбуот анжуманида Зидан билан шартноманинг узайтирилиши эълон қилинади деб ўйлаганлар. Матбуот анжумани олдидан мураббий жамоа сардори Серхио Рамосга бор гапни айтган. Рамос бу хабарни жамоадошларига етказганида улар ҳайратланганлар.
Эслатиб ўтамиз, "Реал" 2,5 йил Зидан бошқаруви остида Испания чемпиони, Испания Суперкубоги, уч марта ЕЧЛ ғолиби, икки карра УЕФА Суперкубоги ғолиби ва икки карра клублар ўртасида ЖЧ ғолиби бўлди. "Реал" Зидан билан умумий ҳисобда 9та совринни қўлга киритди.
