9 июнь куни Қуддусда бўлиб ўтиши керак бўлган Исроил ва Аргентина ўртасидаги ўртоқлик учрашуви бекор қилинди.
Аргентина футбол ассоциацияси сиёсий вазият, таҳдид ва провокация туфайли бу ўйиндан воз кечди.
Эслатиб ўтамиз, бу ўйиннинг ўтказилишига Фаластин қарши чиққан эди. Фаластин Қуддусни босиб олинган ҳудуд деб билади.
Фаластинликлар Аргентина байроғини ёқдилар, Фаластиннинг Аргентинадаги элчиси Ҳусний Абдул Воҳид шундай деди: "Бу ўйин, худди биз Фолкленд оролларининг босиб олиниши юбилейини нишонлаганимиз билан баробар". (Фолкленд архипелаги 1982 йилдан буён Англия ва Аргентина ўртасида низога сабаб бўлиб келмоқда.)
Энди Аргентина 9 июнь куни Барселонада ўртоқлик учрашуви ўтказиш учун рақиб қидирмоқда. Ундан сўнг Россияга учиб кетади.
