9 iyun kuni Quddusda bo‘lib o‘tishi kerak bo‘lgan Isroil va Argentina o‘rtasidagi o‘rtoqlik uchrashuvi bekor qilindi.
Argentina futbol assosiasiyasi siyosiy vaziyat, tahdid va provokasiya tufayli bu o‘yindan voz kechdi.
Eslatib o‘tamiz, bu o‘yinning o‘tkazilishiga Falastin qarshi chiqqan edi. Falastin Quddusni bosib olingan hudud deb biladi.
Falastinliklar Argentina bayrog‘ini yoqdilar, Falastinning Argentinadagi elchisi Husniy Abdul Vohid shunday dedi: "Bu o‘yin, xuddi biz Folklend orollarining bosib olinishi yubileyini nishonlaganimiz bilan barobar". (Folklend arxipelagi 1982 yildan buyon Angliya va Argentina o‘rtasida nizoga sabab bo‘lib kelmoqda.)
Endi Argentina 9 iyun kuni Barselonada o‘rtoqlik uchrashuvi o‘tkazish uchun raqib qidirmoqda. Undan so‘ng Rossiyaga uchib ketadi.
