Маълумки 14-турда “Бухоро” жамоаси сафарда “Сўғдиёна” жамоасига қарши майдонга тушиши керак эди.
Бироқ, Ўзбекистон миллий терма жамоасининг Уругвайга қарши халқаро ўртоқлик учрашуви сабаб Pepsi Суперлига тақвимида навбатдаги ўзгариш юз бергани ҳамда14-тур Жаҳон чемпионати стартидан кейинга қолдирилганлиги учун ҳозирда бухороликлар эътиборларини 15-турдаги “Бунёкор” билан кечадиган баҳсга қаратган.
“Насаф” билан кечган учрашувдан кейин таътилга чиққан жамоа “Бунёдкор”га қарши тайёргарликни бошлаб юборди.
Аввалроқ “Бухоро” икки легионер ҳимоячиси билан хайрлашгани ҳақида хабар берган эдик. Айни дамда икки ҳимоячидан ташқари таркибда бошқа йўқотишлар йўқ.
Эслатиб ўтамиз Pepsi Суперлига 15-тур “Бухоро” – “Бунёдкор” учрашуви 12июнь Бухоро спорт мажмуасида соат 19:32 да старт олади. Учрашувни Тимур Тўхтасинов бошчилигидаги ҳакамлар бошқариб боришади.
“Бухоро” ПФК матбуот хизмати
