Бундан бир неча кун олдин, аниқроғи 30 июнь куни Миллий олимпия қўмитасида Ўзбекистон каратэ Миллий федерациясининг йиғилиши ўтказилган ва унда қисқа фурсатлар ичида мамлакатимиздаги мактабгача таълим муассасалари бўйлаб бепул каратэ тўгаракларини очиш вазифалари белгилаб берилганди.
Шунга кўра, қисқа вақт ичида Республикамизнинг турли ҳудудларида жойлашган 80 га яқин мактабгача таълим муассасаларида бепул каратэ тўгараклари иш бошлади. Шунингдек, айни пайтда болажонлар учун яна 100дан ортиқ тўгарак очиш режалаштирилмоқда.
Айни пайтда ҳудудлардаги МТМларда очилган каратэ тўгараклари:
Тошкент шаҳри – 15та
Фарғона вилояти – 12та
Наманган вилояти – 12та
Андижон вилояти – 10та
Тошкент вилояти – 10та
Самарқанд вилояти – 7та
Хоразм вилояти – 6та
Қорақалпоғистон Республикаси – 5та
Сирдарё вилояти – 4та.
