Англия терма жамоаси бош мураббийи Гарет Саутгейт ЖЧ-2018 1/4 финалида Швецияга қарши ўйин олдидан фикрларини билдирди.
"Биз ўсишга эришдик, аммо керакли натижага эришганимиз йўқ. Барча ўйинчилар ғалаба иштиёқида ёнмоқдалар. Колумбияга қарши ўйин кўп нарсага ўргатди. Биз кўпроғини истаймиз ва эришилган натижада тўхтаб қолмоқчи эмасмиз.
Швеция термасини жуда ҳурмат қиламан. Уларнинг ўз ўйинлари бор. Улар кучли термаларга қараганда ажойиб натижалар кўрсатмоқдалар. Мен шведларга қарши кўп ўйнаганман ва турли мусобақаларда уларни кўп кузатганман. Улар рақибдан кўра камроқ тўпга эгалик қилишни маъқул кўрадилар. Шанба куни ғалаба қозонишимиз учун жуда яхши футбол кўрсатишимиз керак", - дейди Саутгейт.
Швеция – Англия учрашуви 7 июль куни бўлиб ўтади.
