Angliya terma jamoasi bosh murabbiyi Garet Sautgeyt JCH-2018 1/4 finalida Shvesiyaga qarshi o‘yin oldidan fikrlarini bildirdi.
"Biz o‘sishga erishdik, ammo kerakli natijaga erishganimiz yo‘q. Barcha o‘yinchilar g‘alaba ishtiyoqida yonmoqdalar. Kolumbiyaga qarshi o‘yin ko‘p narsaga o‘rgatdi. Biz ko‘prog‘ini istaymiz va erishilgan natijada to‘xtab qolmoqchi emasmiz.
Shvesiya termasini juda hurmat qilaman. Ularning o‘z o‘yinlari bor. Ular kuchli termalarga qaraganda ajoyib natijalar ko‘rsatmoqdalar. Men shvedlarga qarshi ko‘p o‘ynaganman va turli musobaqalarda ularni ko‘p kuzatganman. Ular raqibdan ko‘ra kamroq to‘pga egalik qilishni ma’qul ko‘radilar. Shanba kuni g‘alaba qozonishimiz uchun juda yaxshi futbol ko‘rsatishimiz kerak", - deydi Sautgeyt.
Shvesiya – Angliya uchrashuvi 7 iyul kuni bo‘lib o‘tadi.
